களவாடிய கனவுகள்

                 முதலில் இப்படத்தின் இயக்குனர் கிரிஸ்டோபர் நோலன் பற்றி அரிய விசயங்கள் அறிய
                           நண்பர் ஜெய் வலைப்பூ
                 இப்படத்தின் விமர்சனம் அறிய தேளு கருந்தேளு
         கனவுகளும் திருடப்படலாம். மனிதனது அந்தரங்க விஷயங்கள் கேமராக்களால் மட்டுமல்ல,கனவுகளைத் திருடுபவர்களாலும் நடக்கலாம் என்பதை சற்று கற்பனை கலந்து, ஹாலிவுட் வாசனை தடவி நமது மூளைக்குள் விதைக்கும் முயற்சிதான் இந்த ‘இன்செப்ஷன்’.


         பேராசைகாரர்களின் பேராசையால் கனவுகளுக்குள் புகுந்து அவர்களின் மூளைக்குள் சிந்தனைகளை மாற்றி அமைக்க முடியும் என்பது கேட்பதற்கு நகைச்சுவையாக இருந்தாலும், 

                வளர்ந்து வரும் விஞ்ஞான யுகத்தில் அதுவும் சாத்தியம் என்றே நம்ப வேண்டியதாகிறது. கனவுகளுக்குள் பயணிக்கும் லியனார்டோ-டி-காப்ரியோவிற்கு ‘சாய்டோ’ என்பவன் கொடுக்கும் அசைன்மெண்டே இந்த திரைப்படத்தின் கதை.கனவுகளுக்குள் கனவாகி-அந்த கனவாலும் வேறொரு கனவுக்குள் பயணித்து உன்மைகளைக் கண்டறிய முயற்சி செய்கிறார்கள். கொஞ்சம் பிசகினாலும் குழப்பிவிடக் கூடிய திரைக்கதை.


         நாம் எல்லோருமே ‘பேரடாக்ஸ்’ என்ற சிந்தாந்தத்தை 
அறிந்திருக்கிறோம்.சிலருக்கு கல்லூரிப் பாடமாக கூட இருந்திருக்கிறது. ஒரு பொருள் என்னவாக இருக்க வேண்டுமோ அப்படியில்லாமல், வேறொன்றாக இருக்கும். அதனுள் அமைந்த சிக்கலை விடுவிக்க வேண்டும்.

                இது நிஜ வாழ்வில் ‘Maze' என்ற கட்டமைப்பின் மூலம் எளிமையாக விளக்க முடிகிறது. ராமோஜிராவ் ஃபிலிம் சிட்டியில் வெகு நாட்களுக்கு முன்பு இப்படி ஒரு 'Maze' அமைந்திருந்தார்கள். பயங்கர புதிராக இருக்கும். பல இளம்பெண்கள் வெளியே வர தெரியாமல் உள்ளிருந்து செல்ஃபோனில் அழைத்ததை கண்டிருக்கிறேன்.


      ஆனால் இந்த திரைப்படத்தில் அந்த 'Maze' என்ற கற்பனை கட்டமைப்பை உருவாக்கும் பெண்ணாக Ellen Page நடித்துள்ளார். கனவுகளுக்கு பொதுவாக நிறமில்லை என்பர்.ஆனால் இந்த படமெங்கும் வண்ணமயம்.

       உளவியல் தொடர்பான நூல்களைப் படிப்பவர்களுக்கு இந்த திரைப்படம் கூடுதல் ஆனந்தமாக இருக்கும் என்பதில் ஐயமில்லை. ’சிக்மண்ட் ப்ராய்ட்’ தன் உளவியல் சக்தி மூலமாக “Dreams and their interpretations" என்ற அற்புதமான நூலை நமக்கு வழங்கியுள்ளார். உறங்கும்போது கனவுகள் ஆழ்மனதில் ஏற்படும் எண்ண அலைகள் மட்டுமல்ல அவற்றின் மூலம் நமது வாழ்வில் பல குறுக்கீடுகள் நிகழும் என்பதை இதில் விளக்கியுள்ளார்.

         கனவுக்குள் பெரும்பாலும் கனவுகள் வருவது என்பது மிகவும் அரிதான நிகழ்வாகும் ஆனாலும் அதையே திரைக்கதையாக்கி இருப்பது சிறப்பான செயல்.


         ஸ்பெசல் எஃபெக்ட்ஸ் அருமை.முக்கியமாக Ellenக்கு Leonardo தனது புராஜக்டை விளக்கும்போது நடக்கும் நிகழ்வுகள் ஸ்பெசல் எஃபெக்டின் உச்சகட்டம்.Anti Gravity என்பதே கனவின் மிகச்சிறந்த உதாரணம்.எனக்கு கூட பல நேரங்களில் Anti Gravity force ல் பறப்பது போன்று கனவில் தோன்றி இருக்கிறது.அதை திரைப்படத்தில் மிக அருமையாக பயன்படுத்தி உள்ளனர்.


         நிகழ்காலத்தில் நடப்பதை wobbler மூலம் விளக்க முயன்று கடைசியில் அந்த wobbler பயன்படுத்தியே திரைப்படத்தின் கிளைமாக்ஸை முடித்திருப்பது மிகவும் அருமை. படம் பார்த்துவிட்டு வீட்டிற்கு சென்று உறங்கும் போது கனவுகள் வருவது உறுதி.ஆனால் Limboவிற்கும் பேசாமல் விழித்தெழுவது உங்கள் சாய்ஸ்.


         மொத்தத்தில் திரையரங்கில் மட்டுமே காண வேண்டிய மிகச் சிறந்த திரைப்படம் என்பதில் எந்த சந்தேகமுமில்லை.


                        “An Idea. A single idea from the human mind can buid cities. An idea can transform the world and rewrite all the rules which is why i have to steal it."


                 "We can access your mind through your dreams!!"


வழமைபோல் இந்த படம் பற்றிய தகவல்கள் :     புள்ளிவிவரம்
வழமைபோல் இந்த படத்தின் முன்னோட்ட காணொளி சொப்பன வாழ்வில்...